خبر:

پر غزې تړانګې د اسراییلو له برید څخه د ۴۱۴ ورځو په تېرېدو او لبنان ته د شخړو په پراخېدو سره، له یهودي رژیم څخه خپرو شوو راپورونو ښودلې چې اشغالګر ځواکونه له زیاتو انساني تلفاتو سره مخ شوي دي. د جګړې له پیل څخه ۸۰۴ نظامیان، چې سرتېري او افسران پکې شامل وو، وژل شوي دي. دا شمېرې یوازې تر وژل شوو پورې نه محدودېږي، بلکې د اشغالګرو ډېری ځواکونه له جدي رواني ستونزو سره مخ دي او ځینو یې ان ځانوژنې ته لېوالتیا ښودلې ده. د راپورونو له مخې د هغو معلولو کسانو شمېر چې د درملنې په حال کې دي، ۷۰ زرو کسانو ته رسېدلی دی. همدارنګه د ۲۰۲۳م کال د اکټوبر په ۷مه د جګړې له پیل څخه تراوسه تر ۸۶۶۳ کسانو ډېر ټپیان ثبت شوي دي، چې ۳۵ سلنه یې د رواني اختلالاتو تر درملنې لاندې دي. کارپوهان وړاندوینه کوي چې د روان کال تر پایه شاوخوا ۴۰ سلنه هغه کسان چې روغتونونو ته لېږدول کېږي، له رواني ستونزو لکه؛ اندېښنې او ژور خپګان سره به مخ وي. پر دې سربېره تر ۱۰ زرو ډېرو ذخیره سرتېرو د رواني روغتیا د خدماتو غوښتنه کړې ده. همدارنګه راپورونه خبر ورکوي، چې په وروستیو میاشتو کې لږترلږه ۶ سرتېرو ځانوژنه کړې ده. د دغو سرتېرو ۹۸ سلنه کورنیو اعلان کړی، چې د کورنۍ غړي یې د نظامي خدمت په سبب له رواني او ذهني ستونزو سره مخ شوي دي. دا وضعیت څرګندوي چې د یهودي رژیم نظامي ځواکونه د رواني روغتیا په برخه کې له جدي ستونزو او ناورینونو سره مخ دي.

تبصره:

الله سبحانه وتعالی فرمايي:

﴿وَلَا تَهِنُوا فِي ابْتِغَاءِ الْقَوْمِ إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللهِ مَا لَا يَرْجُونَ وَكَانَ اللهُ عَلِيماً حَكِيماً﴾ [نساء: ۱۰۴]

ژباړه: «د دښمن په څارلو او پلټلو کې سستي مه کوئ. که چېرې تاسو (له دښمن سره د مخ کېدو پرمهال) له درد او رنځ سره مخ کېږئ، هغوی هم ستاسو په شان درد او رنځ لري؛ خو تاسو له الله (سبحانه وتعالی) څخه هیله لرئ، چې هغوی یې نه لري او الله پوه او حکیم دی»

که څه هم د یهودو رژیم له ټولو غړو، احزابو او ځواکونو سره «د یهودو کیان» ادعا کوي، یعنې دا چې نه ماتېدونکی قدرت دی او د هر مخالف د له منځه وړلو توان لري؛ دغه رژیم هڅه کوي چې خپل هغه درانه زیانونه پټ کړي، چې په خپله وحشیانه جګړه کې د غزې د بې‌دفاع ملکیانو لخوا ورته اوښتي دي او ځان د یوه مغرور زمري په څېر وښيي. خو په ورته وخت کې ټکان ورکوونکې او اندېښمنوونکې شمېرې خپروي، چې په هغو کې د خپلو قربانیو رول ادا کوي، په دې هیله چې په غزه کې خپل جنایتونه توجیه کړي او د نړۍ عمومي نظر منحرف کړي او ملاتړ یې ترلاسه کړي، په داسې حال کې چې هغوی په خپله اصلي مجرمین دي.

اعلان شوي زیانونه دا څرګندوي چې یهودي رژیم نه یوازې دا چې د جګړې توان نه لري، بلکې د فشارونو پر وړاندې هم نشي درېدلی، که دوی هرڅومره د دې خلاف ادعاوې وړاندې کوي. دغه رژیم په هغو مرګ‌ژوبلو او عاموژنو کې چې د امریکا او نورو غربي هېوادونو په ملاتړ یې د بې‌ګناه خلکو – ښځو، ماشومانو او بوډاګانو – پر وړاندې ترسره کوي، په بشپړه توګه په خپل میل او خوښه عمل کوي. که چېرې یوه ورځ رښتینی جګړه وشي او د مسلمانانو له یوه پوځ سره مخ شي، هغه مهال به څه ډول مقاومت کوي؟

هغه څه چې دغه حقیقت نور هم تریخ کوي، دا دي چې ټول دغه جنایتونه د مسلمانو پوځونو د سترګو پر وړاندې رامنځته کېږي. په دې توګه مسلمان پوځونه په غیرمنطقي او نامناسبو پلمو سره له خپل هغه مسولیت څخه ځان ګوښه کوي، چې د یهودو د دغه کمزوري او بې‌زړه پوځ پر وړاندې سخت کار نه دی!

دغه زیانونه په رسنیو کې د مبالغې په توګه لوی ښودل کېږي، ترڅو داسې تعبیر شي؛ هغه زیانونه چې یهودو ته رسېږي، په همغه اندازه د دوی لخوا مسلمانانو ته هم اوړي. له دغو تبلیغاتو څخه موخه دا ده، چې د هغو پېښو په اړه د عامه افکارو غبرګون کنټرول کړي، چې د فلسطین په مبارکه خاوره کې مسلمانان ورسره مخ دي، په مسلمانو پوځونو کې د مخلصو ځواکونو د قهر مخنیوی وکړي او د یهودي رژیم د جنایتونو دوام توجیه کړي.   

پر همدغه اساس تل باید د امت او مسلمانو پوځونو په ذهن کې شرعي لیدلوری ژوندی وي؛ دا چې د الله سبحانه وتعالی په نزد د یوه مسلمان د وینې تویول د کعبې تر نړولو هم ډېر اهمیت لري او د نړۍ د هېڅ کفارو وینه د یوه مسلمان له وینې سره د پرتلې وړ نه ده، د هغو کسانو (یهودو) وینه خو لا پرېږده چې له الهي غضب سره مخ دي! په همدې توګه پر مسلمانه ټولنه او مسلمانو پوځونو واجب دي، چې د هغو شهیدانو روح تازه کړي چې شمېر یې تر پنځوسو زرو اوښتی دی او د هغوی د وینو د انتقام لپاره په جدي توګه هڅه وکړي. همدارنګه د یوې لویې جګړې لپاره چمتو شي، هغه جګړه چې اسلامي امت پکې له یهودو سره مخ کېږي او هغوی له منځه وړي؛ لکه څنګه چې رسول الله صلی الله علیه وسلم فرمایلي دي:

«تُقَاتِلُكُمْ الْيَهُودُ فَتُسَلَّطُونَ عَلَيْهِمْ، حَتَّى يَقُولَ الْحَجَرُ: يَا مُسْلِمُ هَذَا يَهُودِيٌّ وَرَائِي فَاقْتُلْهُ» (متفق علیه)

ژباړه: قیامت تر هغه وخته نه راځي چې څو مسلمانان او یهودان نه وي جنګېدلي؛ داسې چې که چېرې یهود له مسلمانانو څخه وتښتي او د ډبرې تر شا پټ شي، الله (سبحانه وتعالی) به هغه ډبره په خبرو راولي او مسلمانانو ته به وایي، چې د هغې تر شا یو یهودی دی، ترڅو راشي او هغه ووژني.

لیکوال: بلال مهاجر_ ولایه پاکستان

ژباړن: صهیب منصور